පාසල් බිමේ හමු වූ සුරකුමරියේ
සිප්‌ සතර සේ ඉඩදෙන්‌ මට ඔබ ළයේ
සරසවි බිමේ මතුදා හමුවන දිනේ
නෙත්‌ ඔය ලෙසේ නාරින්‌ මට මග පියේ
සටහන්‌ පොතක්‌ තුල සැඟවී හොරෙන්‌
මට ඉන්න ආසයි ඔබෙ ලය ලඟින්‌
සුදු මුදු ගවුමේ ඉඟ වට රැලි සේ
දැවටෙන්න ආසයි ඔය බඳ වටින්‌
පාසල් බිමේ හමු වූ සුරකුමරියේ
සිප්‌ සතර සේ ඉඩදෙන්‌ මට ඔබ ළයේ
සරසවි බිමේ මතුදා හමුවන දිනේ
නෙත්‌ ඔය ලෙසේ නාරින්‌ මට මග පියේ
පැනයන්‌ රැසක්‌ ලඟ පිළිතුරු ලෙසින්‌
පිට වෙන්න ආසයි ඔබේ මුව තුලින්‌
රතැඟිලි අතරේ තෙලි තූඩ විලසේ
සිප ගන්න ආසයි ඔය මුදු ලවන්‌
පාසල් බිමේ....
ගායනය : අජිත් මුතුකුමාරණ
පද රචනය : Unknown
සංගීතය : Unknown
Tags
Ajith Muthukumarana